Ame zanayîş ke Şaredarîya Dîyarbekirî kadro dana personelan û înan badê cû erşawena şaristananê bînan.

Dîyarbekir de hetêk ra betalî zêde ya hetêk ra zî Şaredarîya Dîyarbekirî teberê Dîyarbekirî ra personelan gêna gure û ê personelî badê pey şinê şaristananê bînan

Ameyo zanayîş ke, Şaredarîya Dîyarbekirî Elif Sekman Mudirîya Qelema Taybete ser ra girewta gure û Dekman badê pey şîya Şaredarîya Trabzonî.

Tirkîya de hezaran kesî semedo ke bibê karmend kewenê îmtîhanê KPSS û zafê înan zî nêbenê karmend. La tay cayan de karmendbîyayîş zaf rehet o. Beledîyeya Dîyarbekirî destê Qeyûmî de ya û tay kesî bi rehetî eşkenê bikewê Beledîya, badê zî tayînê xo vejê şaristananê bînan.

Mîyanê des rojan de kadro girewt û şîy!

Goreyo ke ame zazanyîş Qeyûme Beledîyeya Dîyarbekirî Ali İhsan Su, şaristanê Trabzonî ra semedê Mudirîya Qelema Taybe ya DİSKİ Elif Sekman ard Dîyarbekir. Elif Sekman a ke kadroya xo girewta tenya des rojî Dîyarbekir de menda. Sekman des rojî badê tayînê xo veta û şîya Beledîyeya Trabzonî.

Seke zanîyeno par zî birakênaya Parlamentera AK Partî ya Antalya Sena Nur Çelik, Sibel Çelik zî DİSKİ ra kadro girewtbî û badê pey şîbî Antalya. (Amida Haber-Taybet)