Doktore Sara Doskî başûrê Kurdistanî ra seba hetkarî bida mexdûrê erdlerzî 10 rojî yo Islahîye de ya û vat: "22 ambûlansî û 122 xebatkarê weşîye ameyî herêma erdlerzî. Ma şewe û roje tîya de seba şarê xo şuxulênê. Ganî ma hetkarîya yewbînan bikerê."

Xeylêk welatî dimayê erdlerzî seferber bî herêma erdlerzî rê hem hetkarîya komê cigêrayîşî û xelisnayîşî, hem malzemeyê teknîkî û hem zî hetkarîya pereyî kerdî. Başûrê Kurdistanî de zî xeylêk hetkarî ameyî şirawitiş. Pêwa astengîyan zî hetkarîya hacetê weşîye û doktoran zî herême de cayê xo girewtî. Doktore Sara Doskî Dihok ra seba hetkarîye ameye Islahîye.

Doktore Sara Doskî, dîyar kerd ke ê 10 rojî yo Islahîye de yê û bi zerrîwaz şuxulênê û vat: "Roja iye ne û bi dildarî dixebitin û got: “Ji roja destpêkê heya niha ji bo alîkarî û piştgiriyê em hatin. Îro me 7 birîndar derman kir. Em ji 5’ê sibehê şiyar dibin û heya şevê nexweşan dinêrin û birîndaran derman dikin. Em nasekînin û bi qasî ji destê me tê em dibin alîkar."

'Xeylê cenaze binê xirban de yê'

Saraye ard ziwan ke rewşa herême xeylê bi tehluke ya û vat: "Ma Dihokî ra 20 ambulans û 122 xebatkarî ameyî. Destpêkerdiş de rewşe xeylê xirabe bî. Hem xeylê cenaze vejîyayêne hem zî xeylê birîndarî estbî. Karê ma xeylê zehmet bî, zerrîya ma xeylê dejayêne la ma mecburbî ke karê xo bikerî. La rewşe nika goreyê rojanê ewilan nîya. Xeylê cenazeyî hema zî binê xirban de yê. Kesêk nêzano ke çend cenazeyî estbî û xeylê kesî erdlerzî de dinyaya xo bedelnayî."

'Ganî ma heme hetkarîya yewbînan bikerê'

Saraye peynîya qiseykerdişê xo de vat: "Ma do goreyê rewşe xebata xo dewam bikerê. Çike bellî nîyo ke do çi bêro serê ma. Coka ra ma do demêk tîya de bibê. Ma şinê rewşa nêweşxaneyan vînenê. Rewşa ma zî sey rewşa sarî ya. Seba ma çîyo muhîm rewşa şarî ya. Eke ê baş bibî ma do zî baş bibê. Ma eynî newete ra yê. Qaseyo ke destê ma ra bêro ma do hetkarî bikerê û goreyê rewşe ma do xebata xo ya seba erdlerzî dewam bikerê. Ganî ma paştî bidî yewbînan."