Navenda Nûçeyan- Kovara "Kurt Tarîhî"  ku 3 mehan carekê bi tirkî dertê û carinan hin nivîsên bi kurdî jî diweşîne, bi hejmara xwe ya kewçêr-sermawez-berfanbarê hinek bi derengî be jî derket. Di hejmara 38'an de bi navê "Mela Mistefa Barzanî û Têkilîyê Kurd-Yekîtîya Komarên Sovyetên Sosyalîst" (YKSS) dosya amade kirîye. Di vê serdema ku bi ser Rojava re têkilîyên kurdan û Rusyayê tê nîqaşkirin de dîroka têkilîyên kurdan û Sovyetê (Rusyayê) muhîm in. Kovarê jî dest avêtîye vê mijarê.

Di bin edîtorîya Firat Sozerî de dosya  hatîye amade kirin û wî di heman demê de bi navê "Bi belge û nameyan têkilîyên Mele Mistefa û YKSS" nivîsek nivîsandîye.

Di dosyayê de Angelika Pobedonostseva Kaya bi sernavê "Barzanî û  YKSS: Îtîfaqek ji ber çû?", Etienne Forestier-Peyrat" bi navê "Ji salên 1940'î heta 1980'yan Polîtîkaya Sovyetê ya Derve ya li Ser Kurdan û Aktîvîzta Kurdan a li Sovyetê", Nikoloya Lisenkov jî bi navê "Mistefa Barzanî û  Yekîtîya Soveyetê (1946-1964) nivîsa xwe nivîsandîye.

Di vê çarçoveyê de du nivîs jî bi kurdî hatine weşandin: Seîd Veroj bi navê “Eyloyê Pîr ê Kurdistanê”: Mistefa Barzanî (1903-1979)" û "Pêşwazîya Resmî ya Mele Mistefa Ji Alîyê Hikûmeta Kurdistanê ve" jî bi kurmancîya Zîya Avci hatîye weşandin.

Ji bilî dosyayê nivîskar û lêkolîner Rohat Alakom jî bi navê "Kurdê ku herî zêde ermenî xilas kirine: Muhtila Beg ê ji Miksê" nivîsa xwe pêşkêş kirîye.

Ji bo têkilî û xwestinê:

[email protected]

0541 391 81 49

Dîyarname