Seba Parlementerê HDP yo verên Osman Baydemîrî 6 serrî cezaya hepisxaneyî wazîyena.

Dozgerê Wanî semedê Osman Baydemîrî 6 serrî cezaya hepisxaneyî waşt.Semedo ke Osman Baydemîrî 2 serrî verî yew kombîyayîşê partîya xo de qisê kerdo Dozgerê Wanî semedê ê qisêkerdişê ey 6 serrî cezaya hepisxaneyî waşt.

Baydemirî qisêkerdişê xo mîtîngê Nobeta Wicdan û Edeletî de kerdbi û naye ra 2 serriyo ke seba ey dewa ameya akerdene. Dozgerê Tirkîya vano: Osman Baydemirî qisêkerdişê xo de şarê Tirk, Komar û Perlementoyê Tirkiya qij visto û gere 6 serrî cezaya hepisxaneyî bidîyo ci.

Seke zanîyeno 19ê Nîsana 2018î de heqê parlementerîya Baydemirî ey ra amebeybî girewtiş û Osman Baydemir roja 6 Nîsane de şi teberê welatî û o wext ra anêgêrayo welat.