DYA: Em piştgiriya Kurdistaneke bihêz dikin!
Fermangeha Pêwendiyên Derve yê Hikûmeta Herêma Kurdistanê ragihand ku doh (21’ê Mijdarê) digel McMaster civiyane û ragihandiye ku Amerîka piştgiriya hikûmeteke bihêz û yekgirtî ya Herêma Kurdistanê, di çarçoveya iraqeke demokratîk û federal de dike.
A+A-
Fermangeha Pêwendiyên Derve yê Hikûmeta Herêma Kurdistanê di daxuyaniyekê de ragihand, ku roja Sêşemî 21ê Mijdara 2017ê her yek ji Berpirsê Fermangeha Pêwendiyên Derve ya Hikûmeta Herêma Kurdistanê û Nûnera Herêma Kurdistanê li Waşingtonê Beyan Samî Ebdulrehman li Waşington a paytexta Amerîkayê li gel Şêwirmendê Asayişa Niştimaniya Amerîkayê McMaster civiyane.
Di ragihandinê de hat gotin ku, di vê civînê de her du aliyan li ser rewşa Iraqê û Herêma Kurdistanê û herwiha giringiya çareserkirina pirsgirêkan bi rêya diyalogê gotûbêj kirine. McMaster di civînê de amaje bi wê yekê kiriye, ku Waşington agahdarê wê role ye ku Hikûmeta Herêma Kurdistanê ji bo îstiqrara herêmê dibîne.
(rûdaw)
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin