Grubê çekdarî ê ke seba Tirkîya Efrîn de falîyet kenê, 20 welatiyê Kurdî remnay û semedê veradayîşê înan zî pere wazenê.

Teşkîlatê Heqanê Merdiman yê Efrînî aşkere kerd ke, roja 2ê Îlone grubêka çekdare ya bi namê Polîsê Eskerî bi 12 wesayîtan eşt  dewa Maratî ser û bahaneyê eleqeyê înan bi YPG esto qasê 20 hemwelatiyî remnayî.

Kesê ke dewa Maratî ra hetê çeteyan ra ameyê remnayîş nameyê înan wina yê: Rêzan Xelîl Elî, Seîd Xelîl Eyûbî, Mihemed Ehmed Eyûbî, Elî Xelîl Nasan, Elî Henan Cencî, Ednan Ednan Cencî, Elî Mihemed Îbrahîm, Elî Osman Îbrahîm, Sefwan Ehmed Osman, Ehmed Ebdilrehman Qilêç, Omer Heyder Misto, Roken Heyder Misto, Xelîl Ehmed Elî, Mistefa Alo, Husên Hemo Nasan.

Goro ke Teşkîlatî va, gruba çekdare xebere wesnaya keyeyanê kesê ke ameyê remnayîş û înan ra ameyo waştiş ke wa pere bidê înan. Keyeyê 2 kesan pere da çeteyan û çeteyan ê 2 kesî serbest veradayî.

18ê Adare de bajarê Kurdan hetê dewleta Tirkîya û çekdaranê OSOyî ra amebi îşgalkerdiş. Ê wextî ra nata qasê 2 hezar welatiyê Efrînî ameyê remnayîş û aqûbetê înan bewlî nîyo.