Cerganê girêdayîyê Dewleta tirke qezaya Mabata ya Efrînî de di kesî remnayî.

Goreyê agahîyanê ke ameyê girewtene cerganê El Nuxbe û polîsanê leşkerîyan ê pabesteyê dewleta tirke dewa Şêxutkî ya qezaya Mabata ya Efrînî de di kesê bi namê Ehmed Hanan Reşo (55) û Manan Seîd Şêx Seydî (32) remnayî.

2 kesî verî ameyî berdene bi Zîndanê Mabata, uca ra zî ameyî berdene bi zîndanêkê Efrînî. Ame parekerdene ke seba veradayîşê înan qasê 1.500 TL fîdye yena waştene.

Dewleta tirke  2018 de Efrîn îşxal kerd û nê tarîxî ra nata şaristan de xeylê kesî pê destê cergan û MÎTî remnayî, vera efrînijan sûcê şerî kerdî. Goreyê doneyanê rêxistinanê heqanê merdiman nê çar serran de tewr tay 700 sivîlî ameyî kiştiş, tewr tay 8 hezar û 500 sivîlî ameyî remnayîş û 70 cinîyan rê tecawuz ame kerdene. 2018 ra nata tewr tay 300 hezar efrînijî neçare mendî ke wareyê xo ra koç bikê.