Efrîn de zulmê çeteyanê ke seba hukmatê Tirkîya falîyet kenê nêqedîyeno. Her roj cayêk de dest ronîyeno malê şarî ser û şar seba fidye hetê çeteyanê OSOyî ra yeno remnayîş. Na rey  9 welatîyê kurdî amey remnayîş. 

Teşkîlatê Heqanê Merdiman yê Efrînî aşkera kerd ke, 20ê na menge de 5 welatî (Hanî Ebdo Sîdo, Heysem Menan Bekir, Îsa Şehadê û Xelîl Henan Demircî, Arif Mihemed Ebdo)  dewanê Anqelê û Merwanî ra amey remnayîş û hetanî nika  aqûbetê înan bewlî nîyo.

Gorê malumatê teşkîlatî ra, roja 24ê na menge de eskerê Tirk pa grûbêka çekdare eştê  Encûmena Efrînî ya Sivîle ser o û Serekê Odeya Muhendîsan Xoşnav Hemo remnayê.

Heto bîn ra eskeranê Tirkîya eşt dewa qezaya Bilbilî Karo ser û Muxtarê dewe û 2 dewijî remnay.

Teşkîlatê Heqanê Merdiman yê Efrînî da zanayîş ke, roja 25ê na menge  de endamê Encûmena Xocayî yê Bilbilî Mihemed Şaban zî hetê grûbêka çekdare r ara ameyo remnayîş.