Merkezê Xeberan - Bajarê Rojavayê Kurdistanî ke hetê dewleta Tirkîya ra ameto îşgalkerdiş de teqayîşêk ver 50 kesî merdî 176 kesî zî birîndar ê.

Kesê birîndarî pê ambûlansan weradîyayî nêweşxaneyan. Gelek ekîbê îtfaîye neqlê cayê teqayîşî bîyî.

Gorê beyanatê Teşkîlatê Çimdarîya Heqanê Merdiman yê Sûrîye, tankêra mazotî cadeyê Racû de teqaya û wûcûdê merdeyan û birîndaran de rêça veşayîşî esta.

Goro ke vajîya kesê ke merdê pêro sîvîl ê û mîyanê înan de domanî zî estê.

Heta nika ti rêxistinêk mesulîyetê nê teqayîşî nêgirewto xo ser.

Heto bîn ra walîtiya bajarê Hatayî ya Tirkiya zî derheqê teqayîşî de beyanatêk da û  va, yewêk amo tepitiş û o zî YPGyij o.