Efrîn de bombeyêk teqa û netîceyê teqayîşî de gedeyêk merd, 2 gedeyî birîndar bîyî û banêk zî vêşa.

Ame aşkerakerdiş ke, Mehleya Efrînî Vêlat de ewro bombeyêk teqaya. Teqayîş de gedeyêk merd, 2 gedeyî birîndar bîyî û banêk zî vêşa.

Roja ke Efrîn de kewto destê artêşa Tirkiya û çekdaran, a roje ra nata Efrîn de asayîş kêm o û hema vaje her roje cayêk de bombeyêk teqena. Teqayîşan de welatîyê sîvîlî benî qûrban.

Roja verê cû zî mîyanê Efrînî de otombîlêka bombekerdî teqabî û netîceyê teqayîşî de 2 kesî merdbî û 10 kesî zî birîndar bibî.