Merkezê Xeberan- Dewleta Tirkîya serrêk û nême ra nat Efrîn îşxal kerda. Dewleta Tirkîya û çekdarê aye Efrîn de zaf sucê şerî û qirkerdişî kerdî. Nê sucî û qirkerdişî hetê Rêxistina Heqanê Merdiman a Efrînî ra ameyî qeydkerdene.

227 Sivîlî Qetil Bîyî

Gorê ê teşkîlatî, Rêxistina Heqanê Merdiman a Efrînî, 20 çeleyê 2018î ra ke Dewleta Tirkîya dest pê hêrişê Efrînî kerd, Efrînî de 167 camêrdî, 28 cinîyî û 32 domanî ameyî qetilkerdene. 87ê înan domanî 638 sivîlî birîndar bîyî. Rêxistina Heqanê Merdiman îfade kerd ke 6 hezaran ra zêdêr serebûtê remnayîşî qewîmîyayî ke tede domanî zî estî. Aqibetê 3 hezar kesê ke ameyî remnayene nêno zanayene.

Qirkerdişê Daran

Tirkîya Efrînî de 15 hezar zeytunêrî birnayî ke tede darê 70 serrî zî estbî. 15 hezar wersêrî û dara greyfurtî zî hetê çekdaran ra talan bîyî. Gore Rêxistina Heqanê Merdiman mabênê 3 û 5 mîlyonan de darî hetê çekdaran ra ameyî talankerdene. îşxalê Efrînî ra ver şaristanî de 300 tesîsê zeytunan bibî, nika zî 160 tesîsî estî.