Weçînayîşê Îstanbulîyo ke hetê YSK ra amebi betakerdiş vizêr newe ra ame kerdiş û namzetê CHP EWkrem Îmamoglû newe ra weçînayîşê meheli yê Îstanbulî qezenc kerd. Namzetê CHP Ekrem Îmamogluyî %54.12 namzetê AK Partî Bînalî Yildirimî zî %44.99 ray girewt. 

Weçînitişê serekîya Şaredarîya Bajarê Girdî yê Stenbolî newe ra ame kerdene û namzedê CHP Ekrem Îmamoglûyî bi 4 mîlyon û 741 hezarî û 868 rayan weçînitiş newe ra qezenc kerd. Namzedê AKP’yî Bînalî Yildirimî zî 3 mîlyon û 935 hezarî û 453 rayî girewtî. Namzetê CHP Ekrem Îmamogluyî %54.12 namzetê AK Partî Bînalî Yildirimî zî %44.99 ray girewt. 

Goreyê nê netîceyan, 10 mîlyon û 570 hezarî û 354 weçînitoxan ra 8 mîlyon û 925 hezarî û 63 weçînitoxî şîyî sindoqan û rayê xo şuxulnayî. Nê rayan ra 8 mîlyon û 746 hezarî û 464 hebî vîyarte amê hesebnayene, 178 hezarî û 599 hebî nêvîyarte ameyî hesebnayene.

Goreyê netîceyanê ke fermî nîyê, Ekrem Îmamoglûyî serekîya Şaredarîya Bajarê Girdî ya Stenbolî bi 4 mîlyon û 741 hezarî û 868 rayan qezenc kerd. Îmamoglûyî se ra 54,12 rayanê vîyarteyan girewt, Bînalî Yildirimî zî bi girewtişê 3 mîlyon û 935 hezarî û 453 rayan se ra 44,99 ê reyan girewt.

Namzedê serekîya Şaredarîya Bajarê Girdî ya Stenbolî yê Partîya Saadetî Necdet Gokçinarî 47 hezarî û 829 (31’ê Adare de 103 hezarî û 300) rayî, yê Partîya Vatanî Mûstafa Îlker Yucelî zî 14 hezarî û 545 rayî girewtî.

Wexto ke netîcer aşkera bi nazmetê AKP Bînalî Yildirim vejîya kamerayan ver û Serekê Bewledîyeya Îstanbulî yo newe pîroz kerd.

Serekê Beledîyeya Îstanbulî yo newe Ekrem Îmamoglu zî vejîya kamerayan ver û qasê 20 deqa qisêkerd. Îmamogluyî va: 31ê Adare de mi rê neheqî amey kerdiş. Nika edelet ame ca û şarê m abi desteğe xo mi kerd serekê beledîya. Ez kesanê ke desteg daye mi rê sipas kena. Ma do pêro-pîya Îstanbul îdare bike. 

Serek yeno zanayîş Namzetê CHP Ekrem Îîmamoglu bi desteğe HDP û ÎYÎ PARTÎ weçînayîşê Îstanbulî qezenc kerdbi. La îtîrazê AKP ser YSK weçînayîş betal kerd û qerar da ke wa weçînayîşê Îstanbulî 23êd Hezîrane de newe ra bêro kerdene. Weçînayîş ame kerdene û namzetê CHP Ekrem Îmamoglu rayê 7 puanî kerde zede û newe ra qezenc kerd.