Balyozê Amerîka li Iraqê Matthew Tueller di korbenda enerjiya Iraqê de ragihand ku ew alîkariya Iraqê di warê enerjiyê de dikin, daku Iraq pişt bi Îranê girê nede.

Matthew Tueller diyar kir ku Washington piştgiriya planên Hikûmeta Herêma Kurdistanê dike ji bo xweşkirina jiyana welatiyan û di warê enerjiyê de jî alîkariya Iraqê dikin.

Balyozê Amerîka li Iraqê herwiha got, di warê elektîrîkê de, Amerîka alîkariya Herêma Kurdistanê dike, daku bikar xizmetguzariyeke baş pêşkêşî welatiyan bike.

Matthew Tueller wiha axivî: “Bê guman armanca me ewe, ku em ji bo berjewendiyên Iraqê gavên baş bavêjin daku Iraq di warê enerjî û bikaranîna çavkaniyên xwe de bigihêje asta serxwebûnê. Ev yek dê pere ji bo Iraqê peyda bike, herwiha dê girêdana Iraqê bi hawêrdekirina gazê ji Îranê kêm bike, her ev yek di berjewendiyên Iraqê de ye.”