Nûnerê Serokê Amerîka Donald Trump ê li dijî DAIŞê Brett McGurk di axaftina xwe ya civîna çapemenî de ji bo mana hêzên wan li Sûriyeyê got: "Hetanî DAIŞ bi temamî têk neçe wê hêzên me li Sûriyeyê bimînin. Pewistî bi demê heye."

 

Brett McGur di berdewamiya axaftina xwe de got: "Hêzên me wê li navçeya Tenef ku dikeve başûr rojhilatê Sûriyeyê bimînin û ji bo herêmên din jî ti niyeteke me tine ye ku em hêzên xwe vekişînin. Ji bo têkçûna DAIŞê pêdivî bi demê û xebateke mezin li pêşiya hevpeymana navdewletî heye."