Wezîrê Derve yê Amerîkayê Mike Pompeo û Wezîrê Derve yê Tirkiyê Mevlut Çavuşoglu li Brûkselê hevdîtinek pêk anîn.

 

Mevlut Çavuşoglu piştî civînê diyar kir ku wan ser nexşeya rêya derbarê Minbicê de li hev kirine û got: “Eger ew pêvajoya ku em beriyê de axivîbûn bê şopandin divê YPG ji Menbicê derkeve, eger nebe em ê wek Efrînê mudaxaleyê Menbicê jî bikin.”

 

Berdeveka Wezareta Derve ya Amerîkayê Heather Nauert jî piştî civîna navborî daxuyaniyek da û ragihand ku ew piştgiriya mekanîzmaya ji bo rêya hevkirinê li Minbicê pêk bîne dikin.

 

Nauert herwiha da zanîn di hevdîtina Pompeo û Çavuşoglu de Pompeo aniye ziman ku ew  derbarê xebatkarên Amerîkayê yên li Tirkiyê girtî de dilgiranin.