Mabenê Tirkîya û Amerîka de semedê erînayîşê sîstemê pawitişê asmênî S-400an krîz xorîn beno.

Seke zanîyeno dewleta Tirkîya hetêk ra endama NATO ya hetêk ra ortaxê Amerîka ya la hetêk ra zî dişmenê Amerîka û NATO Rûsya ra sîstemê S-400an gêna. Her çiqas zî Amerîka û NATO bi aşmano ke Tirkîya îqaz kenê zî Tirkîya na kerdena xo ra nêvîyart û Rûsya dir seba erînayîşê S-400an pê kerd.  

Komîsyona Karanê Teberî ya Encûmena Temsîlkaranê Kongreya Amerîka, projeyasaya ke Tirkîya rê rotişê  teyarayanê F-35an qedexe kena qebûl kerd.Amerîka kena ke bi no qayde hetê eskerî ra derbêk bido tirkîya ro. Encûmena Temsîlkaranê Kongreya Amerîka bi no qayde hetê eskerî ra debêk da Tirkîya ro. 

Encûmena Temsîlkaranê Kongreya Amerîka venga Tirkîya dana ke wa Tirkîya Rûsya ra sîstemê pawitişê esmênî S-400an nêgêro. Eger Amerîka teyarayanê F-35 nêroşo Tirkîya bi no qayde derbêk bido Tirkîya ro. Komsîyonê projeyasa bi rayanê temsîlakranê Demokrat û Komarî ê Kongreya Amerîka qerarê nêrotişê F-35an qebûl kerd.

Naye ser verfekê Wezaretîya Karanê Teberî yê Tirkîya Hamî Aksoyî razînêbîyayîşê xo îzah kerd û va: Qerarê Kongreya Amerîka gorê ruhê ortaxîya mabênê Tirkîya û Amerîka nîyo. Qerarê kongre do zerar bidon a ortaxîye.