Jenosîdê Enfalê Barzan 1983 de dest pêkerd. Herêma  Barzan de qij ra pîl pêro camêrdî ameybî arêdayîş û dima ra ameybî qetlkerdiş.

Jenosîdê Enfalê Barzan 1983 de dest pêkerd. Herêma  Barzan de qij ra pîl pêro camêrdî ameybî arêdayîş û dima ra ameybî qetlkerdiş. Aqûbetê tayn kesan hema zî bewlî nîyo.

Roja 31ê temmuza 1983î de qirkerdişê Enfalê Barzanîyan dest  pêkerd. 8 Hezar camêrdê  Barzanîyan, 7 serrî ra heta 85 serrî, hetê rejîmê Seddamî ra, herêma Barzanî ra amey vetiş. Nê merdimî neqlê mintiqaya Kuştepe ke wîlayetê Hewlêrî ser de ya û kampê Kudus û Kadisiye bîyî. Nê kesî kampan de sey êsîr amey tepiştene. Camêrdê Barzanîyan bi rojan bê awe û bê nan mîyanê ê kampan de mendê. Peynîya eziyetêkê pîlî de amey qetlkerdiş. 

Jenosîdî ra 2 aşmî badê cû serekê rejîmê Baasî yê Iraqî Seddam Huseyînî bi aşkera va: Ma bi hawayo pêt ceza da înan û ma ê şetê mîyanê cehenemî.

Enfalê Barzanîyan 36 serrî verî roja 31.07.1983 dest pêkerd û 8 hezar Barzanî amey qetlkerdiş. Heta nika tena tirmê 596 kesê enfalbîyayî ameyo vînayîş, ê bînî pêro vindî yê.