Navenda Nûçeyan- Peyamnêrê K24ê li Moskoyê da zanîn, şandeke ENKSê li avahîya Wezareta Derve ya Rûsyayê bi Cîgirê Wezîrê Derve bo Karûbarên Rojhilata Navîn Mikhail Bogdanov re civîya.

Serokê şanda ENKSê Kamîran Haco piştî civînê ji K24ê re ragihand, rola Rûsyayê li Sûrîyê bi giştî girîng e, bi taybet piştî derbasbûna wê ji herêmên Rojavayê Kurdistanê re, bêhtir bo doza Kurdî girîngtir bûye. Armanca serdana wan bo Moskovayê naskirina pêşeroja Rojavayê Kurdistanê ye.

Haco got jî: “Me xwast ji Wezareta Derve ya Rûsyayê bizanin berê rêkeftinên Rûsî–Tirkî li kû ye û encam û bandorên sê li ser gelê Kurd û herwiha rola Kurd di pêşerojê dê çawa be.”

Dîyar kir jî, di civînê de her her alîyan, mijara destûra Sûrîyê, bicihkirina mafên Kurd di destûrê de û rewşa Efrînê guftûgo kirin.

Şanda ENKSê ji Berpirsê Komîta Pêwendîyên Derve Kamîran Haco û endamên wê komîtê Îbrahîm Biro û Îsmaîl Hesaf pêk hatibû.  

Çavkanî: K24