Merkezê Xeberan - ENKS 15 Adara 2017î de Rojavayê Kurdistanî de mecbur mendî ke heme buroyanê xo pado.
ENKS qerar dabî ke Rojavayê Kurdistanî de newe ra buroyanê xo akero. Konseya Netewî ya Kurd (ENKS) reya ewilî bajarê Rojavayê Kurdistanî Kobanê de buroya xo akerde.
2ê na aşme de ENKS bi beyanatêk qerar dabi ke ofîsanê xo yê rojavayê Kurdistanî akero.
Fermandarê Pêroyî yê Hêzê Sûriyeya Demokratîke (HSD), General Mazlûm Kobanî zî, seba ke ENKS qerar daya ke afîsanê xo yê Rojavayê Kurdistanî abikero, ENKS pîroz kerdbi.
Fermandarê Pêroyî yê Hêzê Sûriyeya Demokratîke (HSD), General Mazlûm Kobanî hesabê xo yê twîtterî ser ra derheqê akerdişê buroyanê ENKS de beyanatêk da, ENKS pîroz kerd û va, na gamêka muhîm a. Ma na gama ENKS pîroz kenê. Ma do xîret bike ke mîyanê xo de yewitîya xo awan bike.
Sereka Heyeta Encûmena Sûrîyeya Demokrate Îlham Ehmed zî rojavayê Kurdistanî de abîyayîşê ofîsanê partîya ENKS sey gamêka hewle name kerd.