ENKS wesîleya Roja Heqanê Mesiman ya Dinya ra, beyanatêk vila kerd û behsê cayê Kurdan ê nika destê komanê çekdaran û artêşa Tirkîya de yê û va, “Efrîn, Serê Kanî û Girê Spî de verê çimanê Tirkiya de Kurdan rê zulum yeno kerdene.”

Gorê beyanatê ENKS Efrîn, Serê Kanî û Girê Spî de Kurdî bi hawayêko sîstematîk hetê komanê çekdaran ra rastê zulmî yenê.

Beyanatê ENKSyî de wîna vajîya, Kurdî bi zor cayanê xo ra ameyê koç kerdene, milk û malê înan ameyê talan kerdene û herinda cayanê înan de keyeyê çekdaran  ameyê cakerdene,no zî semedê bedilnayîşê demografîya Rojavayê Kurdistanî yeno kerdene.Nê çîyî pêro verê çimanê Tirkiya de yenê kerdene û ganî peynîya nê kerdênan bêro û sûcdarî berê muhakeme kerdene.

ENKS Partîya Yewîtîya Demokratîke (PYD) ra zî waşt wa fek “çekdarkerdişê domanan” ra verado û hepsîyan serbest verado.