Encûmena Netewî ya Kurdên Sûriyeyê(ENKS) li himberî kiryarên dawî yên rejîma PYDê derket kolanan.

Piştî ku serokê ENKSê Brahîm Biro û paşê jî çend bireveberên partiyên dinê ji aliyê asayişa PYDê hatin girtin, ENKSê biryara derketina kolanan wergirt û li, Dêrika Hemko, Girkê Legê, Qamişlo, Tirbespiyê û hin deverên dinê bi girseyî derket kolanan.

ENKS di daxuyaniyê û axavtinên di xwepêşandanan de diyar dike ku birêvebir û endamên partiyên nava ENKSê ji aliyê asayişê ve bi awyek keyfî têne girtin, rê li ber kar û xebatên wan tê girtin û ciwan ji bo leşkeriya neçar têne revandin.

ENSK di wê baweriyê de ye ku PYD bi hevkariya rejîma Esed van kiriyaran li Rojavayê Kurdistanê dike û radigihîne ku heta PYD dawî li van kiryarên xwe neyîne, ew dê çalakiyên xwe bidomînin û wan berfireh bikin.