Encûmena Niştimanî ya Kurdî li Sûriyê, di derbarê şewitandina nivîsgeha Partiya Demokrat a Kurdistanê (PDK-S) de, li bajarê Amûdê peyamek belav kir û bûyer bi tundî şermezar kir. Herwiha PYDê di ber rawestandina wan êrîşan de berpirsiyar dibîne.

Emîndariya Giştî ya ENKSê di daxuyaniyekê de destnîşan kir: “Komeke çekdar a ser bi PYDê ve, şeva Duşemê 23ê Tebaxa 2021ê nivîsgeha PDK-Sê li Amûdê şewitand û kelûpelên di hundirê wê de şikandin, agir jî bi hewla cîranan hat vemirandin.”

ENKS da zanîn: “Ev karê tirsnak di çarçoveya zincîreyek ji kiryarên wan koman de tê ku armanc jê zêdekirina nerehetî û aloziyan e, bi taybet di van demên dawîn de gelê me di şert û mercên ewlehiyê û rewşa dijwar de dijî.”

Di daxuyaniyê de hat eşkerekirin: “ENKS van kiryaran bi tundî şermezar dike û berpirsatiya rawestandina wan jî dixe ser milê PYDê. Herwiha ENKS dixwazê ji fermandariya HSDê dike ku bi sozên xwe pabend be û sînorekê ji van binpêkirinên dikevin xizmeta dijmanên gelê Kurd re deyne û tawanbaran ceza bike.”

ENKS tekez kir, kiryarên bi vî rengî, wê ji armancên wê yên pêkanîna yekrêziya Kurdî û dabînkirina mercên ewlehî û aramiyê ji gelê Kurd û hemû gelên herêmê re dûr naxe.