Îzmîr de hûmara kesanê ke erzlerz de dinyaya xo bedilnaye bîye 83.

Serekîya Îdareyê Rewşa Lezabeze (AFAD) bîlançoya peyêne ya erdlerzê Îzmîrî eşkera kerde. Goreyê naye heta nika 83 kesî merdî û 962 kesî zî birîndar bîyî. AFADî da zanayene ke weşkerdişê 219 birîndaran dewam keno. Îzmîr de 8 bînayan de hema zî xebata cigêrayîş û xelisnayîşî dewam kena.

Erdlerzî ra 58 saetan dima Îdîle Şîrîn û Elîfe Pelînçeka 3 serre ameye xelisnayene. Dadî û wakê Elîfe zî erdlerzî ra 23 saetan dima ameybî xelisnayene. La binê bîna ra meyîtê kekê Elîfî ame vetene.

Ame parekerdene ke Apartmanê Emrahî de zî hema 2 kesî estê. Goreyê keyeyî xebata dewlete qîm nêkena.