Serokomarê Tirkiyê Recep Tayyip Erdogan bal kişand ser twîtên Serokê Amerîkayê Donald Trump ku gefa aboriyê li ser êrîşeke bo Kurdan li Tirkiyê xwaribû û got, “Parvekirinên ser medya civakî yên Birêz Trump ez û hevalê min xemgîn kirin. Bilez ketim tevgerê û bi telefonê pê re axivîm. Hevdîtineke têr êrênî bû.”

Erdogan di koma partiya xwe ya parlamena Tirkiyê de piştî bal kişandina ser pêwendiya telefonî ya ligel Trump got, “Trump careke din biryara vekişîne teyît kir. Wî behsa herêma ewle ya ku ji aliyê me ve were avakirin kir…Emê li wir destûra terorîstan nedin. PYD/YPG û DAIŞ ferqa wan ji hev nîne.”

 
Erdogan herwiha diyar kir, tam ku Tirkiyê dest bi operasyonê dikir piştî hevdîtina ligel Trump wan operasyon bipaş xistiye û wiha pê de çû:

“Aştî bi gotinan nabe, bi karkirinê dibe. Niha di dorê de Minbic, Rojhilatê Firatê û bermayiyên DAIŞê hene. Bi Amerîkayê re nêzatiyên me yên cuda çêbûn. Tam me amadekariya operasyonê dikir, bi Trump re hevdîtineke me çêbû.”