Merkezê Xeberan- Nê rojan de newe ra serekê Tirkîya û serekê AKP Recep Tayyip Erdogan fek erzeno serekê CHP Kemal Kiliçdaroglu.

Tayn analîstî û şîrovekarê sîyasî vanê,  Erdogan bi no qayde hedrekarîya weçînayîşê verwextî keno.

Erdoganî vizêr  Anqara de qisey kerd û wina hêrişê Kiliçdaroglu kerd. Kiliçdaroglu welatê xo rê xayîntî keno. Kiliçdaroglu welatê xo welatanê xerîban rê gerre keno û welatê xo xirab nişan dano. Nêverdeno wa sermayeyo xerib bêro Tirkîya.

Erdoganî rasterast behsê Kurdbîyayîşê Kiliçdarogluyî kerd û wina va: Kiliçdaroglu Kurdbîyayîşê xo û nijadê xo ra şerm keno. Ma do nêverde o tarîxê miletê ma û ejdadê ma rê neheqîye biko.

Kemal Kiliçdaroglu Kurd o û qezaya Dêrsimî Nazmîye de ameyo dinya. Cinîya ey Selvî Kiliçdaroglu zî kurd o û a zî Dêrsim ra ya. Heta nika Kiliçdarogluyî hewêk zî behsê kurdbîyayîşê xo nêkerdo.