Merkezê Xeberan- Serekkomarê Tirkîya Receb Teyyîp Erdogan vano: Lazimo Amerîka Fermandarê Pêroyî yê Hêzê Sûriyeya Demokrate (HSD) General Mazlum Kobanî teslîmê ma biko.

Erdoganî şewa bîne (24.10.2019) roportajêkê xo de behsê operasyona Tirkîya ya ser Rojavayê Kurdistanî û şuxulnayîşê bombeya fosfore ke Kurdan ser o ameya şuxulnayîş kerd. 

Erdoganî va: “O keso ke nameyê ey Mazlûm Kobanî yo lîsteya sûre de ca gêno. Lazimo Amerîka Mazlûm Kobanî teslîmê ma biko”

Erdoganî da zanayîş ke, ê do Wezaretîya Edeleyî ya Tirkîya ser ra Amerîka rê muracat bikê ke wa Mazlûm Kobanî bi rayê înterpolî bêro tepiştene û teslîmê înan bibo.

Erdgan vano: Gerek çekê giranî ê ke destanê HSD de yê, înan ra bêrê girewtiş û teslîmê Anqara bibê.