Erdoğanî ii Perlemantoya Tirkiyê, ji perlemanterên partiya xwe re got: Me di nav sînorên Tirkiyê de PKKê şikandiye û em ê li derveyî sînor jî şer bikin heya em dawiya PKKê bînin.

Erdoğanî diyar kir, ku li Rojavayê Kurdistanê ji Girê Sipî heya Qamişlo, li Iraqê jî, li Şingalê û Qendîlê ew ê bitundî şer bikin.

Li aliyekî din Erdoğanî bang li CHPê kir ku pêdeçûnekê ji pêwendiyên xwe re li gel HDPê bike û got: PKK li Bakurê Kurdistanê li meydana şer tengav bûye û dixwaze di siyasetê de xurt bibe û HDP bihêz bike. HDPê bi xêra dengên CHPê kete nav Perleman de û CHPê bi vê siyasetê piştevaniya PKKê kir.