Merkezê Xeberan - Serkomarê Tirkîya Recep Tayyip Erdoğan vizîr şibi Moskowa û serekê Dewleta Rusya dir derheqê şerê Idlibî de pêvînayîş kerd.

Artêşa Tirkîya seba ke erdanê Sûrîye îşgal biko û desteg bido El-Nusra û muxalîfanê Sûrîye herêma Idlîbî de operasyona eskerî daya dest pêkerdiş.

La hema her roj eskerêkê Tirkîya Idlîb de hetê Rûsya û rejîmê Esadî ra yeno kiştene.

Çend rojî verî 34 eskerê Tirkîya Idlîb de hetê Rûsya û Rejîmê Sûrîye ra ameybî kiştene,

Pêvînayîşê mabênê Erdogan û Putinî ra dima her di lîderan beyanat da Çapemenî. Erdogan û Pûtînî aşkere kerd ke, Idlib de saete 00.01 de Idlib de adirbest ameyo îlankerdene.

Erdoganî Pûtînî rê seba zerrîweşîya ey teşekur kerd û wina va: ma Putinî dir 6 saetî pêvînayîş kerd. Gorê ma huzurê Sûrîye hetê Rejîmê Esadî ra yeno xeripnayene. Ma emşo seba Idlibî adirbest îlan kerd. Seba ke wa Idlib de çareserî biba do gamê bînî zî bêrê eştene.