Îdarekaranê  Wîlayetê Kerkûkî ra Mehdî Mubarekî aşkera kerd ke, Kerkûk de prosesê erebkerdişê Kerkûkî dest pêkerdo û hetan nika 12 hezar keyeyê erebî neqlê Kerkûkî bîyê.

Mehdî Mubarekî keyepelê KDP.info rê qisey kerd û va: “ Serra 2017î ra hetanî nika Kerkûk de prosesê erebkerdişê Kerkûkî dewam keno. Nê erebî seba tersa terorî û betalî yenê Kerkûk. Êyê ke Kerkûkî îdare kenê zî înan rê ardim kenê.”

Mubarekî wina dewam kerd: “Hûmara Erebê ke hetanî nika ameyê Kerkûk zêde bîya. Hetanî nika ca dîyayo 12 hezar keyeyanê Ereban. Heto bîn ra derûdorê Kerkûkî de zî Erebî dest ronenê erd û hêgayanê Kurdan ser.”