Tirkîya meydanê şerî de desteg dana Azerbaycan.

Ermenistan û Azerbaycan yewbînan bi kitişê sivîlan sûcdar kenê.

Şewa bîne Azerbaycanî paytextê Qerebaxî bombarduman kerd. Heto bîn ra Ermenistanî zî cayê ke destê Azerbaycanî de yê bombarduman kerd.

Serekwezîrê Ermeniyanî Nîkol Peşinyan vano,"Welatê ma hetê Azerbaycan û Tirkîya ra raştê terorî ameyo.

Rûsya zî  bi beyanatêk beyan kerd ke, "Terorîstê cîhadîstî neqlê Azerbaycanî bîyê û uca ra derbasê Rûsya benê."

Ermenistanî semedê adirbestî veng da la Azerbaycan vano, "Bi şertêk ma qebûl kenê: Gere Ermenistan hêzanê xo Qerebaxî ra peyser bianco."

Gorê îdarekaranê Komara Qerebaxî, Azerbaycanî mîyanê hewteyêk de 18 sivîlî kiştê.

Hetê eskerî ra hêzê Azerbaycanî yê Ermenistanî ra zaf zêde yo. Labelê Rûsya û Fransa û xeylê welatê bînî desteg danê Ermenistanî. Welatês sey Tirkiye û Îsraîl zî desteg danê Azerbaycanî. Vejîyeno ke hetê sîyasî ra Îran  zî desteg dano Ermenistanî.

Qasê 10 rojîyo ke mabênê Azerbaycan û Ermenistanî de şer vejyayo. Şer Qerebaxê Koyî de semedê a herêma mabênê her di welatan de dest pêkerdo. Zafê Qerebaxî erdê  Kurdistanî yo. Mabênê serranê 1923-1929'î de uca de Herêma Kurdistanî (Kurdistano Sûr) ameybî ronayene. Gorê arşîvanê Sovyeta Sosyalîst (Rûsya) şarê ucayî 73.1% Kurd bî la ameyê asîmîlekerdene.