Serekê rejîmê Sûrîye Beşer Esadî aşkera kerd ke, dewleta Sûrîye Serekê Îstîxbaratê Tirkîya Hakan Fîdan dir ewilî paytaxtê Îranî Tahran de û dima ra Berê Sînorî yê Keseb de qisê kerda.
 
Verî îdîa bibi ke Hakan Fîdanî îdarekeranê Rejîmê Sûrîye dir pêvînayîş kerdo la hukmatê Tirkîya na îdîa red kerdbî. La bi fekê Beşer Esadî aşkera bîyo ke Serekê Îstîxbaratê Tirkîya Hakan Fîdanî demo peyên de 2 hewe rejîmê Sûrîye de kombîyayîş kerdo.
 
Beşer Esad vano: Rast o mabênê ma û hukmatê Tirkîya dir dîyalog esto. Ma re-rey îdarekaranê Tirkîya dir qisê kenê. Ez eşkena semedê menfietanê Sûrîye, Serekkomarê Tirkîya Recep Tayîp Erdoganî dir zî qisê bikî.
 
Qaso ke esadî vato dewleta Sûrîye Serekê Îstîxbaratê Tirkîya Hakan Fîdan dir ewilî paytaxtê Îranî Tahran de û dima ra Berê Sînorî yê Keseb de kombîyayîş kerdo.
 
Seke zanîyeno heta nika Tirkîya kerdêne ke wa Esad şer de vindî biko û muxalîfê Sûrîye dewleta Sûrîye kontrol bikê. La çend serrîyo ke Esad vindî nêkerd û heme planê Tirkîya nêamê ca. Nika zî Tirkîya temsîlkaranê xo erşawena Sûrîye û kena ke Esadî dir dîyalog rono.