Serekdewletê Sûrîye Başar El Esadî vat eke dewleta tirke eşkera û bêteredutî semedê antişê hêzanê xo hazir bo, o çax o eşkeno Serekkomarê Tirkî Recep Tayyip Erdoganî reyde pêvînayîş bikero.

Serekdewletê Sûrîye Başar El Esadî ajansê xeberan ê Ria Novosî yê Rûsya  rê qisey kerd. Nê eşkerayîye badê pêvînayîşê Serekdewletê Rûsya Vladimir Putin û Esadî ameyî kerdene.

Goreyê Ria Novosti Esadî vat: ''Eke Tirkîya eşkera û bêteredutî hazir bo hêzanê xo  herra Sûrîye ra bianco, o çax pêvînayîşê bi Erdoganî mumkun o.''

Esadî bale ante ser ke dewleta tirke paştî dana çeteyan û vat: ''Anqara gerek paştîdayîşê terorîzmî vindarno.'' Esadî vat têna binê nê şertan de eşkeno Erdogan reyde pêvînayîş bikero.