Merkezê Xeberan- AFPyî xeberêka xo de îdîa kerd ke artêşa DYA fermandaranê xo yê Iraqî rê mektubêk erşawita û ferman daya ke seba peyser ancîyayîşî wa fermandarî xo hadre bikê. Xebere de ame vatene ke nê mektubî ser o îmzaya Fermandarê Yewînanê Amerîka yê Iraqî William H. Seelyî esto.

Ame parekerdene ke Fermandarê Yewînanê Amerîka yê Iraqî William H. Seely o ke seba têkoşînê vera DAÎŞî Iraq de yo hurmetê qirarê Parlamentoyê Iraqî keno.

Esper: Xebera Mi Mektubî ra Çin a!

Xebera mektubî medyaya komelkîye ser o cade vila bîye labelê Wezaretê Pawitişî yê DYA (Pentagon) xebera mektubî tesdîq nêkerde. Wezîr Merk Esperî îfade kerd ke xebera ey pê mektubêkê winasênî çin a û vat: "Ez nêzanena no mektub senîn o. Ma kenê ke bivînê no mektub çara vejîya." Esperî ard ziwan ke înan bire nêdaye ke Iraqî ra hêzanê xo tepîya biancê.

Dima ke Fermandarê Hêzê Qudûsî yê pabesteyê Artêşa Muxafizanê Şorişî ya Îranî Qasim Silêmanî ame kiştene Parlamentoyê Iraqî reydayîşê roja yewşemeyî de bire dabi ke hêzê Amerîka yê Iraqî welatî ra xo tepîya biancê. Labelê Serekê DYA Donald Trumpî na bire bi hawayêkî xurtî rexne kerdbi.