Navenda Nûçeyan- Sê roj berê jineka kurd bi navê Zehra Elî, ku xelka bajarokê Mendelî yê Başûrê Kurdistanê bû û beşdarî xwepêşandanên Bexdayê bibû, li Bexdayê ji alîyê çekdarên nenas ve hatibû revandin.

Serokê encumena şaredarîya bajarokê Mendelî, Azad Hemîd ji BasNewsê re got, şeva borî termê wê jina kurd li Bexdayê hat dîtin.

Azad Hemîd her wiha got, wisa xuya dike ew jina kurd, ku ser bi eşîra Qereloş ya Mendelî bû, bi fîşekê hatîye kuştin.

Wî berpirsê kurd revandin û kuştina wê jina kurd avêt stûyê çekdar û milîsên Iraqî, ku xwepêşanderan direvînin.

 Çavkanî: Basnews