Mabênê rayîrê Amed-Çewlîg, mintiqaya Karazî de mîyanê yew menge de 8 hedîseyê qezaya trafîkî qewimîyayî.  Qezayan de 11 kesî merdî kesî birîbdar bîyî. Ramitoxê wesayîtan vanê, rîyê miciro ke rişîyeno rayîr ser o ra qezayê trafîkî benê.

Nîzam Ozkaya o ke rayîrê mabênê Amed-Çewlîg ser o şoforî keno vano ke, 2 serrî verî micir ame rokerdiş, semedo ke dorûverê rayîrî de micir esto, wesayîtî rayîr de dehsikyenê. Şoforî nêeşkenê dîreksîyone kontrol bikê, aye ra qezayê trafîkî benê.

Nîzam Ozkaya îzeh kerd ke, micirî rey-rey ginenê camanê wesayîtanê înan ro, her tim camê înan şikîyenê û wina va: Êyê ke qeza kenê miheqeq xetaya înan zî esta. La rayîr pîs o. Çend serrîyo ke rayîr ser o xebata viraştişê rayîrî esta. La na xebate nêqedîyena. Rayîr her tim pîs o. Qezayê trafîkî zafê xo rîyê rayîrê xirabî ra benê. Mîyanê aşmêk de nê rayîrî ser o 8 kesî merdî. Ma wazenê wa no rayîr bêro viraştiş.