Do festîvala emserî ya Kultur û Xoza ya Dêrsimî de, hemverê hêrişanê kultur, ziwan, xoza û bawerîye de reaksîyon bidîyo û do nameyê ‘Dêrsim’î rê wayîr bêro vejîyayîş.  

Festîvala Kultur û Xoza ya Mûnzûrî ya 19’ine do emser mabênê 25-28’ê Temmuze de bêro viraştene. Amadekarîyê seba festîvale tay mendê ke biqedîyê. Komîteya Amadekar a Festîvale seba festîvale muracatê Walîtîya Dêrsimî kerd.Temaya Festîvala Kultur û Xoza ya Mûnzûrî: Kultur, ziwan, xoza û nameyê ‘Dêrsim’î.

Par walîtîye bi bahaneyê  “propagandaya organîzasyonî ya” festîvale qedexe kerdbî û emser yeno meraqkerdene walîtî do seba muracato ke ameyo kerdene se vajo. Heman wextî de do temaya festîvala emserî texrîbatê hemverê tarîx û kulturî bê û do  slogana ci zî “Dêrsim, bawerî, ziwan û kulturê ci rê wayîr vejî. Biciwîye û bide ciwînayene” bo.

 25’ê Temmuze de do sere de Meydanê Seyîd Rizayî de beyanatêk bêro dayene û tafînayîşê çirayan ra dima do festîvale dest pê bikero. Do festîvale de çalakî û konserê tewir bi tewirî bêrê viraştene û do heta 28’ê Temmuze dewam bikero.