Navenda Nûçeyan- Endamê Desteya Serokatîyê ya ENKSê Fêsel Yûsif ji K24ê re ragihand, ew wek ENKSê dengê xwe digihînin civaka navdewletî û welatên sereke ên di Encûmena Asayişa Navdewletî endam, ta êrîşa ser Rojavayê Kurdistanê tê kirin rawestînin û çareserîyeke sîyasî bi çavdêrîya navdewletî dest pê bibe û herêmeke ewle bê avakirin û gel û herêmên Kurdî bên parastin.

Amaje bi wê jî kir, ji encama êrîşên li ser Rojavayê Kurdistanê tê kirin, bi hezaran kes koçber bûn û pêwîstîya wan bi alîkarîyên mirovî heye.

Herwiha Feysel Yûsîf amaje bi her du rêkeftinên agirbestê kir û got: “Du rêkeftinên agirbestê çê bûne, çi rêkeftina Amerîkî – Tirkîyê û çi ya Rûsîyayê – Tirkîyê ku dibêjin ewê xelkê sivîl, pêkhateyên netewî û olî biparêzin, lê li ser erdê tiştekî din tê kirin. Li dawîyê berjewendîyên welatan tên parastin û pirsên gelan û xelkê sivîl di asta duyem de tê.

Herwiha derbarê helwesta opozîsyona Sûrîyê da Yûsif dîyar kir, ENKS bi rêkeftineke sîyasî bo dabînkirina mafên kurdan beşek e ji opozîsyona Sûrîyê ye, lê ENKS bi aşkere her êrîş yan destdirêjîyek li ser kurd ji Efrînê û ta Dêrikê hatîye, şermezar kirîye. 

Li ser rola Rûsya li Rojavayê Kurdistanê, got: “Di demeke nêzîk de şandeke ENKSê bi Wezareta Derve ya Rûsyayê re dicive û dê dengê xwe bigihîne wê, bo piştevanîya li mafên kurd di Komîta Destûra Sûrîyê de û alîkar bin bo êrîşa li ser erdê li ser meletê tên kirin rawestînin.  “ 

Çavkanî: Basnews