Firaksîyonên Kurdistanî û sunnî beşdarî civîna parlementoya Iraqê nabin

Seroka firaksîyona PDKê li parlementoya Iraqê, Vîyan Sebrî ragihand, parlementerên kurd û sunnî beşdarî civîna îro ya parlementoya Iraqê nabin.

A+A-

Navenda Nûçeyan- Parlementoya Iraqê îro civîneka awarte li ser kuştina Qasim Sulêymanî û Ebû Mehdî Mihendis ji alîyê Amerîka ve pêk tîne.

Seroka firaksîyona PDKê li parlementoya Iraqê, Vîyan Sebrî ji BasNewsê re got, parlementerên kurd û sunnî beşdarî civînê nabin.

Vîyan Sebrî her wiha got, ji xwe serokatîya Herêma Kurdistanê ragihandîye, kurd heta rewşê baş şirove neke biryara xwe nade. Kurd naxwaze Iraq bibe meydana tesfîyekirina nakokîyên welatên bîyanî.

Parlementerê kurd li parlementoya Iraqê, Şêrwan Dûpirdanî jî ji BasNewsê re got, firaksîyonên Kurdistanî biryar dane tevlî civîna parlementoya Iraqê nebin.

Basnews

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin