Beyana Federasyona Komeleyên Kurdistanê li Swêdê ya 8ê Adarê Roja Jinan a Navneteweyî 

8ê Adarê Roja Jinan a Navneteweyî pîroz be!

Di roja navnetewî ya jinan de em bi hezaran jinên kurdên êzîdî ku bi destê barbarên DAÎŞê hatin qetilkirin bi rêz û giramî bi bîr tînin.

Em barbarên DAÎŞê bi tundî rûreş dikin.

Di rojeka wiha de hest û fikrên me ji bo wan yên ku bûn qûrbanî û yên ku hê jî di bin destê barbarên DAÎŞê de hêsîr mane, ye.

Karasata ku hat sere jinên kurdên êzîdî rûreşîyeke mezin jibo mirovatîyê û komelgehê navnetewî ye. Ji ber ku em hê jî ji zulm û zordestîyên DAÎŞê rizgar nebûne.

Bi hêvîya serketina pêşmerge û şervanan kurd li hember dewletên dagîrker û DAÎŞê,

Bi hêvîya azadîya welêt, civatek azad û demokratîk,

Jibo maf û derfetên wekhev ji bo jin û mêran,

Jibo bidawîanîna tûnd û şîddetê li hember jinan

8ê Adarê roja jinan a navneteweyî bo hemû jinên Kurdistanê û dinyayê pîroz be.

8.03.2017

FKKS

Federasyona Komeleyên Kurdistanê li Swêdê