Navenda Nûçeyan- Biryare roja 21.01.2020ê forma aborî ya Davosê li Swîsrê bi beşdarîya dehan rêveber û kesayetên payebilind ên cîhanê ve 4 rojan dê berdewam bike.

Li gor zanyarîyan serokê herêma Kurdistanê Nêçîrvan Barzanî jî beşdarî formê dibe û li gel rêveberên sîyasî û aborî yên bi bandor ên cîhanê re hevdîtinan dê pêkbîne.

Di forma îsal de hin mijarên peyvendîya xwe bi asayiş û seqamgirîya cîhanê ve hene dê bên gotûbêj kirin ku waha ne:

- Têkçûna keşûhewayê rûyê erdê û jîngeyê û rêyên çareserîyê.

- Şewata li daristanê Australia

- Metirsîya şerê navbera Amerîka û Îranê – rêkeftina welatên 5+1 a li gel Îranê.

- Ketina balefira sivîl a Ukraynayê ji alîyê sipaha pasdarên Îranê ve.

- Nakokîyên aborî yên Amerîka û Çînê.

- Nakokîyên navbera Amerîkayê û welatên Yekitîya Ewropayê.

- Metirsîyên tenduristîyê li ser cîhanê.

Her sal rêveberên sîyasî û aborî yên payebilindên cîhanê li bajarokê Davos a Swîsrê bo guftûgo kirina rewşa aborî û sîyasî ya cîhanê dicivin.

Basnews