Fotografê Hewselî yê ke hetê Mehmet Masûm Suerî ra ancîyayê, musebeqaya Rusyayî ya 35AWARDSî de kewtê mîyanê 100 fotografanê tewr başan.

Na musebeqaya fotografan, dinya de musebeqayanê tewr pîlan ra ya. Emser 23 beşan de 124 hezar 800 fotografkarî bi 470 hezar 500 fotografan beşdarê musebeqaye bîyê. Reydayîşê musebeqaya 2021î serrêk dewam kerd. Netîceya musebeqaye vîzêr dîyare bîye. 

2 fotografê Hewselî kewtê mîyanê 100 fotografanê tewr başan

2 fotografê Hewselî yê ke hetê Mehmet Masûm Suerî ra ameybî antene, kewtê mîyanê 100 fotografanê tewr başan. Mehmet Masûm Suer bi fotografanê Hewselî yeno şinasnayene. Nê fotografan ra yewî de ma Hewselî mîyanê mijî de vînenê û fotografo bîn de ma qewaxêranê Hewselî vînenê. Mehmet Masûm Suerî va, “Fotagrafê min ê Nemrûdî medyaya dinyaye de ca girewtibi. Nika zî 2 fotografê Hewselî kewtê mîyanê 100 fotografanê tewr başan. Ez pê zaf bîya keyfweş. Nê fotografî do hem medya de hem zî katalogê musebeqaye de ca bigerê.” Mehmet Masûm Sûerî heta ewro xeylê xelatî girewtê.