Serokomarê Almanyaya Federal Frank-Walter Steinmeier ku erka wî ya 5 salan bidawî bûbû, îro Yekşemê di hilbijartinên Meclîsa Federal de careke din bo wê postê hat hilbijartin.

Kongreya Federasyonê ya Meclîsa Federal a Almanyayê di hilbijartina îro 13ê Sibatê ya serokomariyê de, Frank-Walter Steinmeier di gera yekem a dengdana endamên Lijneya Federal de, bi piraniya dengan hat hilbijartin.

Frank-Walter Steinmeier di gera yekem a dengdanê de ji nav 1425 dengên derbasdar 1045 deng standin û careke din bû serokomarê Almanyayê.

Steinmeier, ji sala 2017an ve serokomarê Almanyayê ye ku ew post ji serokomarê berê Joachim Gauck wergirtibû.