Merkezê Xeberan - Şaristanê Montpellierî yê Fransa de meyîtê cinîyêka Dêrsimije û 2 tutanê aye hewza keyeyî de amey dîyayîş.

Meyîtê Dîlek Yücetepe (36) a Dêsimije û 2 lajê aye Cem (5) û Dersim (2)  hewza keyeyê înan de amey vînayîş. Merdê Dîlek Yuce Muharrem Yuce ke gure ra ame keye, hewza keyeyî de rastê meyîtê cinî û qijanê xo ame.

Dozgerîya Montpellierî derheqê serebûtî de tehqîqatêko hîra da destpêkerdene. Cenazayî seba otopsî wedarîyayî Dezgehê Tipê Edlî. Vajîya ke, cenazayî do Dêrsim de bêrê definkerdene.