Merkezê Xeberan- Çalakîyê sendîkayan ê vera reformê teqawutbîyayîşî hukmat qerqilneno. Hukmat planê xo yê vera reformî amade keno û beno ke roja çarşemeyî ey eşkera bikero.

Sendîkayan zî eşkera kerd ke ê do çalakîyanê xo rê dewam bikerê. Zaf partî û têgêrayîşî paştî danê nê çalakîyan. 5ê kanûne de têna Paris de 250 hezar kesî 1,5 mîlyon kesî do vejîyayî meydanan. A roje ra nata grev dewam keno. Wina aseno ke rewşêka kaotîke esta. Her serê sibayî bi seyan kîlometreyan wesayîtî rêze benê.

Yeno pawitene ke roja sêşemeyî reyna bi se hezaran kesî bivejîyê meydanan. Zanîngehî girewte yê û dibistananê bînan de zî perwerde nêno dayene. Herêma Parisî de têna se ra 20 trenî xebitîyenê. Rewşa metroyan zî wina ya; 16 xetanê metroyan ra têna 10 xetî xebitîyenê. Grevkeran 7 merkezê otobusan û 8 rafînerê welatî pêro bloke kerdî. Serekwezîr Edouard Pkilippe roja çarşemeyî do planê teqawutbîyayîşî eşkera biko la sendîkayan bire daye ke roja pacşemeyî reyna do bivejîyê meydanan.