Xelatê futbolbazê tewr başî ê FIFA 2020 ameyî aşkere kerdiş. Gorê aşkerayî Robert Lewandowskiyî, Messi û Cristiano Ronaldo peê xo de verday û bîyo wayîrê xelata serra 2020.

Rîyê tehlukeyê Corona ra emser merasîmê xelatan bajarê Zurîhî yê Swîsre de Merkezê Pêroyî yê FIFAyî de bi online virazîya.

Merasîmê xelatê futbolbazê tewr başî ê FIFA 2020 hetê Reshmin Chowdhury û Ruud Gullitî ra ame peşkeş kerdene.

Futbolbazê ke hetê FIFAyî ra ameyê xelatkerdene;

Futbolbazo camêrd yo tewr baş: Robert Lewandowski (Bayern Munih)

Futbolbaza cinî ya tewr başe: Lucy Bronze (Manchester City)

Golbazo camêrd yo tewr baş: Manuel Neuer (Bayern Munih)

Golbaza cinî ya tewr başe: Sarah Bouhaddi (Olympique Lyon)

Antronoro camêrd yo tewr baş Jürgen Klopp (Liverpool)

Antronora cinî ya tewr başe: Sabrina Wiehman (Tîma Netewîya Hollandayê)

Xelata Puskas ya FIFAyî: Son Heung-min (Tottenham-Burnley / Premier Leauge)

Xelata Fair Playî ya FIFAyî: Mattia Agnes