Futbolbazo namdar yê Almanya Max Kruseyî waştîya xo ya Kurde rê Olimpiyatanê Tokyo de weşanê ganî de bi Kurdkî teklîfê zewacî kerd.

Max Kruseyî serkewtişê taximê xo yê vera Erebistana Sîûdî ra dima mîyanê stadyumî de bi tîşorto ke ser o bi kurdkî ‘Ez to ra hes kena, wazena ti min reyde bizewica’ nuşte bi tekflîfê zewacî waştîya xo ya Kurde Dilara rê kerd.
Kruseyî mîyanê stadyumî de wexto ke radyoya Alman ARD rê qisey kerdêne va, "Embaza min rê peyamêkê min esto.” û bade cû formaya xo vet û bi tîşortê xo yê teklîfê zewacî kerd.

Kruseyo 33 serrî va, “Mi zaf waştêne gol bierzî la ez nêeşkaya. Eger mi bieştêne mi do formeyê xo bivetêne.?”
Vîdyoya ke Max Kruseyî teklîfê zewacî bi kurdkî kerd ser medyaya sosyale zaf bî populer û hema zî yena vilakerdene