Artêşa Îsraîlî serê sibayî newe ra eşt Gazze ser. Mîyanê hewteyêk de nêzdîyê 200 kesî merdî.

Hêzanê Hewayî yê Îsraîlî şewa yewşemeyî bi desan reyî Şerîdê Gazze da bombayan ver, hêriş de ceyran birîya, zerar resa bînayan . Hêzanê hewayî vat ke ê danê 'hedefanê terorîstan' ê Gazze ro.

Roniştoxanê Gazze eşkera kerd ke heta nika bi no qayde hêrişêkê hewayî vera înan nêamebi kerdene. Roja yewşemeyî zî şer sewîyeya tewr berze de giran bi.

Goreyê doneyanê Wezaretê Weşîye yê Gazzze 10ê gulane ra nata tewr tay 197 filîstanijî kişîyayî ke nînan ra 58 tenî doman bîyî û tewr tay 1200 kesî zî birîndar bîyî. Hetê Îsraîlî de zî yewê ci doman 10 kesî kişîyayî û 282 kesî birîndar bîyî.

Hamasî tewr tay 3100 roketî eştî Îsraîlî ser. Beşêko pîl ê roketan hetê sîstemê pawitişê fuzeyî ra ame çinkerdene.

Roja yewşemetî teyarayanê Îsraîlî keyeyanê şefê Hamasî yê Gazze Yahya Sîwar û birayê ci ser o bombayî varnayî. Hamasî derheqê hêrişî de eşkerayîyêke nêdaye.