General Mezlûm Ebdî twîtterê xo ser ra aşkere kerd ke, Fermandarê Hêzê Rûsya yê Sûriye General Alexander Chayko qebûl kerdo û ey rê behsê probleman, binpakerdişê pêameyîşê 23ê Oktobre û kişyayîşê hîrê aktîvîstanê cinî ê Kurdî kerdo.

Fermandarê Pêroyî yê HSDyî va ke: “Ma fermandarê hêzanê Rûsya yê Sûriye general Alexander Chaiko reyde kombîyayîş kerd. Ma koordîne û xebata hempare ser o pê kerd..”

Aerêşa Tirkiya û grûbê çekdarî 9ê serra 2019î de hêrîşê Rojavayê Kurdistanî kerdbî û her di bajarê Rojavayê Kurdistanî Serê Kanî û Girê Spî destê hêzanê Kurdî û hêzanê HSDyî ra girewtbî.

Amerîka û Rûsya seba ê hêrişan Tirkîya reyde pê kerd û hêrîşê Tirkîya ê Rojavayê Kurdistanî vindertbî.

Heto bîn ra Vervateyê Hêzê Sûriyeya Demokratîke (HSD) Kîno Gabrîel zî vano, Artêşa Tirkîya hema zî pêameyîşê adirbestî binpay kena û tirkîya kena ke newe ra hêrişê Rojavayê Kurdistanî bika.