Wekîlê HDPyî Omer Faruk Gergerlîogluyo ke serê sibayî amebi destbendkerdene û dima vera dîya, pare kerd ke polîsan ci rê şîdet kerd.

Wekîlê HDPyî Omer Faruk Gergerlîogluyo ke serê sibayî amebi destbendkerdene û dima vera dîya, derheqê prosesê nezaretî de qisey kerd.

Gergelîoglu seba kontrolê weşîye neqlê  Nêweşxaneyê 29 Mayisî bi. 

Gergerlîogluyî da zanayene ke polîsan o derb kerd û bedenê xo de rêçê derban mojnayî.

Gergerlîogluyî vat: ''Serê sibayî mi dima ke sere û çimê xo şitî polîsan rê vat ke ganî ez nimaj bikera û terlîkanê xo veja. Polîsan nêverda. Polîsan çenganê mi ra girewt û ez nişna asansorî.Asansor de alizîyayî mi û bedenê mi derb kerd. Engiştê mi de travmayêke virazîyaye. Pê bahaneyêke înan derheqê mi de ceza daye. Ê beno ke pê zorî eşkenê wekîlanê şarî Meclîsî ra vejê ka pêro Tirkîya zî qelsîya înan dîye. Qereqol de zî polîsan îfadeyê mi rê mudaxele kerd. Kesêkî vera îfadeyê mi rê mudaxele kerd. Ez nêzanena o kam bi.''

Gergerlîogluyî ard ziwan ke ê do gerreyê polîsan bikero û wina dewam kerd: '' Pê vîdeoyêkî înan ez sûcdar kerda la vîdeo aîdê 17ê adare yo. Hînî Devlet Bahçelî nê welatî îdare keno. Qet yew bira zûrayene nêeşkena wekilîya ma betal bikera û sîyasetê ma yê meşrûyî  pûç bikera.''