Qezaya Colemêrgî Gever de mabênê eskeran û PKKîyan de pêrodayîş vejîya.

Qaso ke zanîya PKKîyan Gever de eşto eskeran ser o û netîceyê pêrodayîşî de yew eskerê Tirkîya amo kiştene. Walîtîyê Colemêrgî derheqê pêrodayîşî de beyanatêk da û aşkera kerd kerd pêrodayîş de yew ekser amo kiştene.

Qaso ke Walîtîyê Colemêrgî vato, dewanê Geverî Zere, Talane, Baze, Evîtûnûs û  Matec ke kişta Koyê Cîlo de ca gênê de, operasyona ke 4 rojî verî dîyaya dest pêkerdene dewam kena. 
 
Heto bîn ra qezaya Şirnexî Silopî de zî bombeya ke hetê PKKîyan ra binê erdî de ameybî ronayîş teqa û nertîceyê teqayîşî de 3 qorîcî birîndar bîyî. Qorîcîyê ke birîndar bîyî mîyanê înan de yewê xo bi giranî birîndar bîyo û birîndarî bi helîkopter wedarîyayê Nêweşxaneyê Dewlete yê Şirnexî.